Սերբիան զենք է արտահանում միայն Ադրբեջան, Կիպրոս և ևս մեկ արաբական երկիր՝
ԱՄԷ, հայտարարել է Սերբիայի նախագահ Ալեքսանդր Վուչիչը։
«Ամեն օր ինձ մեղադրում են բոլոր տարածաշրջանային և հայրենական
լրատվամիջոցների մեծ մասում, որ ես Պուտինի մոտ վազվզող տղա եմ, նրա խաղազինվորը,
տիկնիկը, որ նրա հրամանով պատերազմ կսկսեմ տարածաշրջանում, ես սա լսում եմ արդեն
երկուսուկես տարի:
Որ նա հենց այնպես ինձ չի պարգևատրել
շքանշանով, և ես ամեն ինչ անում եմ նրա հետ պայմանավորված ու գաղտնի կապեր ունեմ
նրա հետ։ Իսկ հետո կարդում ենք, որ Վուչիչը զենք չի տվել Ուկրաինային, այլ վաճառել
է Իսպանիային, Բելգիային, Չեխիային, Աստված գիտի՝ էլ ում, ու այդ զենքերից մի քանիսը հայտնվել են
Ուկրաինայում։ Կոնկրետ ինչի՞ համար ես պետք է արդարանամ։ Որ մենք վերջնական
օգտագործողին թույլատրված զինամթերք ենք մատակարարում։
Սակայն մենք զենք ու սպառազինություն չենք
արտահանում. միայն Ադրբեջան, Կիպրոս և ևս մեկ արաբական երկիր՝ ԱՄԷ ենք արտահանում։
Այլևս ոչ մեկի հետ զենքի և սպառազինության պայմանավորվածություններ չունենք: Դա
արել ենք, որպեսզի պաշտպանվենք այն բանից, որ սերբական զենքով կսպանվի մեր
եղբայրներից մեկը՝ ռուսները, ուկրաինացիները կամ էլի ինչ-որ մեկը։ Պաշտպանական
արդյունաբերության զարգացումից հրաժարվելով կարող ենք ոչնչացնել մեր հողը,
աշխատողները կմնան առանց եկամուտների, և կսկսվեն բողոքի ակցիաներ ու
գործադուլներ»,- ասել է Վուչիչը։
